34 வருடங்களாக மகளுடன் பாலியல் உறவுகொண்ட நபருக்கு 3 வருட சிறை

தனது மகளுடன் சுமார் 500 தடவைகள் பாலியல் உறவு கொண்டுவிட்டு அதனூடாக 3 பிள்ளைகளுக்கு அப்பெண்ணை தாயாக்கிய ஜேர்மனிய நபருக்கு ஜேர்மன் நீதிமன்றமொன்று 3 வருடங்களுக்கு குறைவான சிறைத்தண்டனை விதித்துள்ளமை தொடர்பில் பெண்கள் அமைப்புகள் அதிருப்தி தெரவித்துள்ளன.

ஜேர்மனியில் 2 ஆம் உலக யுத்த குண்டு மீட்பு: 45,000 பேர் வீடுகளிலிருந்து வெளியேற்றம்

ஜேர்மனிய நகரான கோப்லென்ஸில், இரண்டாம் உலக யுத்தகால குண்டொன்று அந்நகரைச் சேர்ந்த 45,000 பேர் வீடுகளிலிருந்து வெளியேற்றப்படுகின்றனர். 1.8 தொன் எடையுள்ள இந்த குண்டு பிரிட்டனில் தயாரிக்கப்பட்டதாகும். ரைன் நதியில் வீசப்பட்டு வெடிக்காத நிலையில் கடந்தவாரம் இந்த குண்டு கண்டுபிடிக்கப்பட்டது.

ஜேர்மன் இசைநிகழ்ச்சி நெரிசலில் சிக்கி 19 ரசிகர்கள் பலி

ஜேர்மனியில் நடைபெற்ற இசைநிகழ்ச்சியொன்றின்போது ஏற்பட்ட நெரிசலில் சிக்கி 19 ரசிகர்கள் உயிரிழந்ததாகவும் 342 பேர் காயமடைந்ததாகவும் ஜேர்மன் பொலிஸார் இன்று தெரிவித்தனர்.

டுய்ஸ்பர்க் நகரில் கடந்த சில தினங்களாக நடைபெற்று வந்த 'லவ் பரட்' இசை நிகழ்ச்சியொன்றில் சுமார் 14 இலட்சம் பேர் பங்குபற்றியமை குறிப்பிடத்தக்கது.

உதைப்பந்தாட்ட ரசிகர்களை அதிர்ச்சிக்குள்ளாக்கிய அக்டோபஸ் (வீடியோ காட்சி )

ஜேர்மன் பெர்லினில் உள்ள மீன்கள் அருங்காட்சியகத்தில் போல் (Paul )என்ற அக்டோபஸ் கால்பந்து போட்டிகளின் முடிவுகளை சரியாக குறிப்பிட்டு அனைவரையும் பிரமிக்க வைத்து வருகிறது.

2ஆம் உலகப் போரின் போது வெடிக்காத குண்டு இன்று வெடித்ததில் மூவர் பலி

இரண்டாம் உலகப்போரின் போது ஜேர்மனியின் மீது வீசப்பட்டும், வெடிக்காத குண்டு ஒன்று இன்று வெடித்ததில் மூவர் உயிரிழந்தனர். அறுவர் காயமடைந்தனர்.

ஜேர்மனிய பொதுத் தேர்தலில் அஞ்ஜெலா மெர்கல் மீள வெற்றி

ஜேர்மனிய பொதுத் தேர்தலில் அந்நாட்டு அதிபர் அஞ்ஜெலா மெர்கல் வெற்றி பெற்றுள்ளார். இந்நிலையில் அவர் தனது அரசாங்கத்தைப் பலப்படுத்தும் வகையில் லிபரல் பிறீ டெமோகிரட்ஸ் கட்சியுடன் பேச்சுவார்த்தைகளில் ஈடுபட்டுள்ளார்.

அவரது ஆளுங்கட்சி கூட்டமைப்பின் முன்னாள் பங்காளரான சமூக ஜனநாயகக் கட்சியானது கடந்த சில தசாப்த காலங்களாக மோசமான தேர்தல் பெறுபேறுகளைச் சந்தித்து வருகிறது.

தேர்தல் வெற்றியையடுத்து தனது ஆதரவாளர்கள் மத்தியில் உரையாற்றிய அஞ்ஜெலா மெர்கல், ஐரோப்பாவின் மாபெரும் பொருளாதார வளம்மிக்க நாடாக ஜேர்மனியை உருவாக்குவதற்கு முன்னுரிமை கொடுக்கவுள்ளதாக தெரிவித்தார்.

நெருக்கடி மிக்க சூழ்நிலையில் அனைத்து ஜேர்மனியர்களின் அதிபராக பதவியேற்க விரும்புவதாகவும் வேலைவாய்ப்புகளை உருவாக்கி ஜேர்மனியர்களை பொருளாதார நெருக்கடியிலிருந்து பாதுகாப்பதே தனது உயர்ந்த இலட்சியம் எனவும் அவர் கூறினார்.

தேர்தல் முடிவுகளின் பிரகாரம் அஞ்ஜெலா மெர்கலின் மத்திய வலதுசாரி கூட்டமைப்பு 33 சதவீத வாக்குகளைப் பெற்றுள்ள அதேசமயம், சமூக ஜனநாயக கட்சி 23 சதவீத வாக்குகளையும் பீறீ டெமோகிரட்ஸ் கட்சி 15 சதவீத வாக்குகளையும் இடதுசாரி கட்சி 12 சதவீத வாக்குகளையும் கிறீன்ஸ் கட்சி 10 சதவீத வாக்குகளையும் பெற்றிருந்தன.

இந்நிலையில் மெர்கலின் கட்சியும் பிறீ டெமோகிரட்ஸ் கட்சியும் கூட்டிணையும் பட்சத்தில் 48 சதவீத வாக்குகளைப் பெற முடியும் எனத் தெரிவிக்கப்படுகிறது. அமெரிக்க ஜனாதிபதி பராக் ஒபாமா, அமெரிக்காவுக்கும் ஜேர்மனிக்குமிடையிலான உறவுகள் மென்மேலும் வலுவடைய அஞ்ஜெலா மெர்கலின் தேர்தல் மீள் வெற்றி களம் அமைத்துத் தந்துள்ளதாக தெரிவித்துள்ளார்