பேரணியில் கலந்துகொள்ளமாட்டேன்: கரு

கொழும்பு, ஹைட்பார்க் கோனரில் நடைபெறவுள்ள மக்கள் பேரணியில் ஐக்கிய தேசிய கட்சியின் நாடாளுமன்ற உறுப்பினர் கரு ஜயசூரிய கலந்துகொள்ளப்போவதில்லை என்று அறிவித்துள்ளார்.

தகவலறியும் சட்டமூலத்தை மீண்டும் சமர்ப்பிக்க கரு ஜயசூரிய தீர்மானம்

த

கவலறியும் உரிமைச் சட்டமூலத்தை நாடாளுமன்றத்தில் மீண்டும் நாடாளுமன்றத்தில் சமர்ப்பிப்பதற்கு ஐ.தே.க. நாடாளுமன்ற உறுப்பினர் கரு ஜயசூரிய தீர்மானித்துள்ளார். உலக ஊடக சுதந்திர தினத்தையொட்டி இன்று நடத்திய செய்தியாளர் மாநாட்டில் கரு ஜயசூரிய இதனைத் தெரிவித்தார்.

வெவ்வேறு மத மக்களிடையே சகவாழ்வை ஏற்படுத்துவதற்கான உபாயம் அரசிடம் இல்லை: கரு ஜயசூரிய

தம்புள்ளையில் நடைபெற்ற சம்பவத்தை நாம் பக்கச்சார்பின்றி அவதானித்தால், வெவ்வேறு மதங்களைச் சேர்ந்த மக்களிடையே சகவாழ்வை கட்டியெழுப்புவதற்கான உபாயம் அரசாங்கத்திடம் இல்லையென்பது நிரூபணமாகிறது என ஐ.தே.க. நாடாளுமன்ற உறுப்பினர் கரு ஜயசூரிய தெரிவித்துள்ளார். தம்புள்ளை விவகாரம் தொடர்பாக விடுத்துள்ள அறிக்கையொன்றிலேயே கரு ஜயசூரிய இவ்வாறு தெரிவித்துள்ளார்.

நாடாளுமன்ற அலுவலக அறையை கரு காலி செய்கிறார்

பிரதித் தலைவர் பதவியை ஐக்கிய தேசியக் கட்சி நாடாளுமன்ற உறுப்பினர் கரு ஜயசூரிய இழந்துள்ள நிலையில், நாடாளுமன்ற கட்டிடத்தொகுதியிலுள்ள தனது அலுவலக அறையை காலிசெய்வதற்கு அவர் இன்று தீர்மானித்துள்ளதாக நெருங்கிய வட்டாரத் தகவல்கள் தெரிவிக்கின்றன.

கரு ஜயசூரிய இன்று மட்டக்களப்பு விஜயம்:த.தே.கூ உறுப்பினர்களுடனும் சந்திப்பு

ஐக்கிய தேசியக் கட்சியின் பிரதித் தலைவர் கரு ஜயசூரிய இன்று மட்டக்களப்பிற்கு விஜயம் செய்துள்ளார்.இவ்விஜயத்தின் போது எதிர்வரும் ஜனாதிபதித் தேர்தல் தொடர்பாக ஐக்கிய தேசியக் கட்சி உறுப்பினர்களை சந்தித்து மேற்கொள்ள வேண்டிய பிரச்சார நடவடிக்கைகள் குறித்து அவர் ஆராய்ந்தார்.

ஐக்கிய தேசியக் கட்சியின் மட்டக்களப்பு மாவட்ட முகாமையாளர் அரசரட்ணம் சசிதரன் (மாகாண சபை உறுப்பினர்) இல்லத்தில் நடைபெற்ற இச்சந்திப்பில் மாகாண சபை உறுப்பினர்களான தயா கமகே ,அலோசியஸ் மாசிலாமணி ,மாவட்ட பிரதி முகாமையாளர் எம்.எல்.அப்துல் லத்தீப் உட்பட பலரும் கலந்து கொண்டனர்.

எதிர்வரும் ஜனாதிபதித் தேர்தலில் எதிர்க்கட்சிகளின் பொது வேட்பாளராக ஜெனரல் சரத் பொன்சேகா தமது கட்சி முன் வைத்தமைக்கான காரணங்கள் குறித்து கரு ஜயசூரிய விளக்கமளித்தார்.

"தேர்தல் காலத்தில் ஆளும் கட்சியினரால் பல்வேறு பிரச்சினைகளுக்கு எதிர்க்கட்சி ஆதரவாளர்கள் சந்திக்க வேண்டி ஏற்படலாம். இதற்கெல்லாம் ஜனநாயக ரீதியில் நாம் முகம் கொடுக்க வேண்டும் " என்றும் இச்சந்திப்பில் அவர் தெரிவித்துள்ளார்.

இதேவேளை தற்போது மட்டக்களப்பில் தங்கியிருக்கும் தமிழ் தேசியக் கூட்டமைப்பு நாடாளுமன்ற உறுப்பினர் பா.அரியநேத்திரன் கட்சியின் பிரமுகர்களையும் ஆதரவாளர்களையும் சந்தித்து எதிர்வரும் ஜனாதிபதித் தேர்தல் தொடர்பாக தமிழ் தேசியக் கூட்டமைப்பு எடுக்க வேண்டிய நிலைப்பாடு குறித்து கருத்துக்களை கேட்டறிந்து வருகின்றார்.

மட்டக்களப்பு மாவட்டத்திலுள்ள தமது கட்சி பிரமுகர்கள் ,ஆதரவாளர்களிடமிருந்து பெறும் கருத்துக்களை எதிர்வரும் தமிழ் தேசியக் கூட்டமைப்பு நாடாளுமன்ற உறுப்பினர்கள் குழுக் கூட்டத்தில் தான் முன் வைக்கவிருப்பதாகவும் பா.அரியநேத்திரன் தெரிவித்துள்ளார்.