மாணவர்களுக்கு லேப்டாப்-பெண்களுக்கு ஃபேன், மிக்சி, கிரைண்டர்-ஆடு, மாடு இலவசம்-அதிமுக தேர்தல் அறிக்கை!

திமுகவுக்குப் போட்டியாக அதிரடியான அறிவிப்புகளை உள்ளடக்கிய தேர்தல் அறிக்கையை அதிமுக பொதுச் செயலாளர் ஜெயலலிதா வெளியிட்டுள்ளார்.

நேரில் சந்திக்காமல் பேக்ஸ் மூலம் ஒப்பந்தத்தில் கையெழுத்திட்ட ஜெ, விஜயகாந்த்

கூட்டணி , ஒப்பந்தம் என்பது மனமொத்து செய்து கொள்வது. ஆனால் அதி்முக பொதுச் செயலாளர் ஜெயலலிதாவும், தேமுதிக தலைவர் விஜயகாந்த் தும் நேரில் பார்த்துக் கொள்ளாமலேயே பேக்ஸ் மூலம் கையெழுத்துப் போட்டு நூதன முறையில் ஒப்பந்தம் செய்து கொண்டுள்ளனர்.

தேமுதிகவுடன் நள்ளிரவு 2 மணி வரை ஜெ. பேச்சு-இன்றும் பல மணி நேரம் பேச்சு-இழுபறி தொடர்கிறது

தேமுதிக போட்டியிடும் 41 தொகுதிகளை அடையாளம் காண்பதில் அதிமுக, தேமுதிக இடையே தொடர்ந்து கடும் இழுபறி நிலவுகிறது.

பணிந்தார் ஜெ: கூட்டணி கட்சிகளை கூப்பிட்டு பேச்சு-கேட்கும் தொகுதிகளை தருகிறார்!

த ங்களுக்கு ஒதுக்கப்பட வேண்டிய தொகுதிகளை அதிமுக கபளீகரம் செய்ததால், போர்க் கொடி உயர்த்திய தேமுதிக, இடதுசாரிகள் உள்ளிட்ட எல்லா கூட்டணிக் கட்சிகளுடனும் அதிமுக அவசரமாக பேச்சுவார்த்தைகளை நடத்தி வருகிறது.

ஜெயலலிதா ஏன் இப்படி செய்தார்?-ஏன் திடீரென பணிந்தார்?

கூட்டணிக் கட்சியினரை கொஞ்சம் கூட மதிக்காமல், அவர்களது அரசியல் எதிர்காலம், அந்தக் கட்சிகளின் சென்டிமெண்ட்கள், அவர்களது அரசியல் தியாகங்கள்,அந்தக் கட்சிகளின் தொண்டர்கள் அனைவரையும் குப்பைத் தொட்டியில் தூக்கி எறியும் வகையில் தனது வேட்பாளர் பட்டியலை தன்னிச்சையாக வெளியிட்டார் அதிமுக பொதுச் செயலாளர் ஜெயலலிதா.

சட்டசபைத் தேர்தலில் ஸ்ரீரங்கத்தில் போட்டியிடுகிறார் ஜெயலலிதா

சட்டசபைத் தேர்தலில் அதிமுகசார்பில் போட்டியிடும் வேட்பாளர்களின் முதல் பட்டியலை ஜெயலலிதா இன்று மாலை வெளியிட்டார். அவர் இதுவரை போட்டியிட்டு வந்த ஆண்டிப்பட்டிக்குப் பதிலாக இந்த முறை ஸ்ரீரங்கத்தில் போட்டியிடுகிறார்.

ஜெயலலிதாவுடன் ஒரே மேடையில்... நாற்காலி கிடைக்குமா விஜயகாந்த், சரத், விஜய்க்கு?!

காற்று அப்படியே திசைமாறுகிறது கோலிவுட்டில். கடந்த ஆண்டு வரை முதல்வர் கருணாநிதி மேடைகளில் அவரைப் புகழ்ந்து வந்த நடிகர்களில் சிலர் இப்போது அதிமுக மேடைகளில் ஜெயலலிதாவை புகழ்ந்து, வாக்குக் கேட்டு வரப் போகின்றனர்.

பலமான கட்சிகள் இருந்தும் பலவீனமாக காட்சியளிக்கும் அதிமுக கூட்டணி

பலமான கட்சிகள் கூட்டணியில் இடம் பெற்றிருந்தும் கூட கூட்டணியோ, தொகுதிப் பங்கீடோ இன்னும் இறுதியாகாமல் பலவீனமாக காட்சியளிக்கிறது அதிமுக கூட்டணி.

விஜய்காந்த் விஷயத்தில் மகா பொறுமை காக்கும் ஜெயலலிதா

நடிகர் கார்த்திக்கின் நாடாளும் மக்கள் கட்சி, மனித நேய மக்கள் கட்சி, டாக்டர் கிருஷ்ணசாமியின் புதிய தமிழகம், டாக்டர் சேதுராமன் தலைமையிலான மூவேந்தர் முன்னணி கழகம், செ.கு. தமிழரசன் தலைமையிலான இந்தியக் குடியரசுக் கட்சி, பி.வி.கதிரவன் பொதுச் செயலாளராக உள்ள அகில இந்திய பார்வர்டு பிளாக் ஆகிய கட்சிகளுடன் அதிமுக தொகுதிப் பங்கீட்டை முடிவு செய்துவிட்டதாகத் தெரிகிறது.

கூட்டணிக் கட்சிகளின் முரண்டு-குழப்பத்தில் திமுக, அதிமுக

திமுகவுக்கும், அதிமுகவுக்கும் ஏணி வைத்தால் கூட எட்டாது. ஆனால் தற்போது ஒரு விஷயத்தில் இரு கட்சிகளும் ஒற்றுமையாக உள்ளன. அது - கூட்டணிக் கட்சிகள் ஏற்படுத்தி வரும் குழப்பங்களால் குழம்பிப் போயிருப்பது.

மத்தியில் காங். அரசுக்கு நிபந்தனையற்ற ஆதரவு-ஜெ அதிரடி அறிவிப்பு

மத்தியில் காங்கிரஸ் அரசுக்கு நிபந்தனையற்ற ஆதரவு தரத் தயாராக இருப்பதாக அதிமுக பொதுச் செயலாளர் ஜெயலலிதா திடீரென அறிவித்துள்ளார்.

தமிழ்நாட்டில் காவல்துறை என்ற ஒன்று இருக்கிறதா?-ஜெ

திருவிடைச்சேரியில் நடந்த துப்பாக்கிச் சூட்டில் பலியானவர்கள் குடும்பத்தினருக்கு அதிமுக பொதுச் செயலாளர் ஜெயலலிதா இரங்கல் தெரிவித்துள்ளார்

இலங்கை தமிழர் பிரச்னை : பெங்களூருவில் நாளை கர்நாடக அதிமுக ஆர்ப்பாட்டம்

இலங்கைத் தமிழர்களுக்கு மறுவாழ்வு கோரி பெங்களூருவில் நாளை கர்நாடக மாநில அ.தி.மு.க. சார்பில் ஆர்ப்பாட்டம் நடத்தப்படும் என்று அக்கட்சியின் பொதுச் செயலாளர் ஜெயலலிதா அறிவித்துள்ளார்.

செம்மொழி மாநாட்டையொட்டி ஆயுள் கைதிகளை விடுவிக்காதீர் : ஜெ. வலியுறுத்தல்

உலகத் தமிழ்ச் செம்மொழி மாநாட்டை முன்னிட்டு ஆயுள் தண்டனை கைதிகளை விடுதலை செய்யக்கூடாது என்று அதிமுக பொதுச் செயலாளர் ஜெயலலிதா வலியுறுத்தியுள்ளார்.

இலங்கைத் தமிழர்களின் மறுவாழ்வுக்கு 18 அம்ச திட்டங்கள் : ஜெயலலிதா வலியுறுத்தல்

இலங்கையில் போரினால் பாதிக்கப்பட்ட தமிழர்களின் மறுவாழ்வுக்காக, 18 அம்சத் திட்டத்தை நிறைவேற்ற வேண்டும் என்று அதிமுக பொதுச் செயலாளர் ஜெயலலிதா வேண்டுகோள் விடுத்துள்ளார்.

ஓ.பி, செங்கோட்டையன், தம்பித்துரையுடன் சிறுதாவூர் பங்களாவில் ஜெ. ஆலோசனை

சென்னை: நீண்ட இடைவெளிக்கு பிறகு சர்ச்சைக்குரிய சிறுதாவூர் பங்களாவுக்கு ஜெயலலிதா  இன்று திடீர் விஜயம் செய்தார். அங்கு ஓ.பன்னீர் செல்வம், செங்கோட்டையன், தம்பித்துரை ஆகியோருடன் தீவிர ஆலோசனை மேற்கொண்டார்.
சென்னை அருகே திருப்போரூரில் இருந்து 4 கிமீ தொலைவில் மாமல்லபுரம் சாலையில் சிறுதாவூர் உள்ளது. இங்குள்ள சொகுசு பங்களாவில் அதிமுக  பொதுச்செயலாளர் ஜெயலலிதா தங்கி ஓய்வெடுப்பது வழக்கம்.

திமுகவின் வெற்றி உண்மையானதல்ல, அராஜகம் நீண்ட நாள் நீடிக்காது - ஜெ.

சென்னை: திமுவுக்கு கிடைத்துள்ள இடைத் தேர்தல் வெற்றி உண்மையானதல்ல, இது அதிமுகவுக்கு கிடைத்துள்ள உண்மையான தோல்வியும் அல்ல. திமுகவினர் பெற்று வரும் இந்த செயற்கை வெற்றிகள், அராஜகங்கள் விரைவில் முடிவுக்கு வரும், நீண்ட நாள் அவை நீடிக்காது என்று கூறியுள்ளார் அதிமுக பொதுச் செயலாளர் ஜெயலலிதா.

வந்தவாசி, திருச்செந்தூர் இடைத் தேர்தல் முடிவுகள் குறித்து ஜெயலலிதா வெளியிட்டுள்ள அறிக்கை:

பொதுவாக தேர்தல் முடிவுகள் வெளிவந்த உடன், மக்களின் தீர்ப்பிற்கு தலை வணங்குகிறோம் என்று அரசியல் கட்சிகளின் தலைவர்கள் கூறுவது மரபு. ஆனால், தி.மு.க. அரசு பொறுப்பேற்ற பிறகு, எந்தத் தேர்தலிலும் மக்களின் தீர்ப்பு உண்மையாகப் பிரதிபலிக்கப்படவில்லை.

தேர்தல் பிரசாரத்தின் போது, தி.மு.க. அரசின் மீதான எதிர்ப்பலை மக்களிடையே தெளிவாகத் தெரிகிறது. ஆனால், தேர்தல் முடிவோ அதற்கு நேர்மாறாக இருக்கிறது. கடந்த மக்களவைத் தேர்தலின் போதும், அ.தி.மு.க. வெற்றி பெற வேண்டும் என்பது தான் மக்களின் விருப்பமாக இருந்தது. ஆனால், தேர்தல் முடிவோ மக்களின் விருப்பத்திற்கு எதிராக இருந்தது.

தி.மு.க. அரசின் ஜனநாயக விரோதப் போக்கையும், தி.மு.க.வினரின் சட்ட விரோதமான அராஜக செயல்களை கண்டும் காணாமல் இருந்த தேர்தல் ஆணையத்தை கண்டித்தும் தான் அ.தி.மு.க. கடந்த ஐந்து சட்டமன்ற தொகுதிகளுக்கான இடைத் தேர்தல்களை புறக்கணித்து, தனது எதிர்ப்பை வெளியிட்டது.

திருச்செந்தூர், வந்தவாசி இடைத்தேர்தல்களின் முடிவு எதிர்பார்த்த ஒன்று தான். இருப்பினும், தி.மு.க.வை எதிர்கொள்ள யாருமே இல்லை என்ற நிலைமை வரக் கூடாது என்ற எண்ணத்தில், ஜனநாயகத்தின் மீது நம்பிக்கை வைத்து, அ.தி.மு.க. இந்த இடைத் தேர்தல்களில் போட்டியிட்டது.

தி.மு.க.வினரின் அராஜக செயல்களுக்கு மத்திய அரசு உதவியாக இருந்து வருகிறது. ஆனால், இதுவும் நீண்ட நாளைக்கு நீடிக்காது; ஜனநாயகத்திற்கு விரோதமான சூழ்நிலை விரைவில் மாறும் என்ற நம்பிக்கையின் அடிப்படையிலும், மக்கள் மீது நம்பிக்கை வைத்தும் அ.தி.மு.க. தனது ஜனநாயகக் கடமையை ஆற்றும் என்பதைத் தெரிவித்துக் கொள்கிறேன்.

தேர்தல் பணியாற்றும் கழக உடன்பிறப்புகளின் மீது கொலைவெறித் தாக்குதல் நடத்துவது; ரவுடிகளை வைத்து தி.மு.க.விற்கு வாக்களிக்கச் சொல்லி வாக்காளர்களை மிரட்டுவது; தேர்தல் முடிந்த பிறகும் தொகுதிக்குள் தி.மு.க.வினர் வீதி உலா வந்து பணத்தை அள்ளி வீசியது; இதை காவல் துறையினரும், தேர்தல் அதிகாரிகளும், இந்திய தேர்தல் ஆணையமும் கண்டும் காணாமல் இருந்தது ஆகிய ஜனநாயகத்திற்கு புறம்பான செயல்களின் மூலம் தான் திருச்செந்தூர் மற்றும் வந்தவாசி இடைத்தேர்தல்களில் தி.மு.க. செயற்கையான வெற்றி பெற்றிருக்கிறது.

ஜனநாயகம் வெற்றி பெற வேண்டுமானால், தேர்தல் சுதந்திரமாகவும், நியாயமாகவும் நடைபெற வேண்டும். மக்கள் எந்தவித மிரட்டலுக்கும் ஆட்படாமல் அச்சமின்றி வாக்களிக்க வேண்டும்.

ஆனால், தமிழகத்தை பொறுத்தவரையில், கடந்த மூன்றரை ஆண்டு கால தி.மு.க. ஆட்சியில் ஜனநாயகம் குழிதோண்டி புதைக்கப்பட்டுவிட்டது. பண நாயகத்தின் மூலமும், வன்முறை வெறியாட்டத்தின் மூலமும், அதிகார செருக்கின் மூலமும் ஜனநாயகத்தை படுகொலை செய்து கொண்டிருக்கிறார் தி.மு.க. அரசின் முதல்வர் கருணாநிதி .

இதை கருணாநிதியே ஒப்புக் கொண்டிருக்கிறார். வந்தவாசி, திருச்செந்தூர் இடைத் தேர்தல்கள் தி.மு.க.விற்கு சாதகமாக இருக்குமா; பாதகமாக இருக்குமா என்று பத்திரிகை நிருபர்கள் கேட்டதற்கு “நாங்கள் பாதகங்களையும், சாதகமாக மாற்றிக் கொள்ளக் கூடிய ஆற்றல் பெற்றவர்கள்” என்று கருணாநிதி பதில் அளித்தார்.

இது தி.மு.க.விற்கு உண்மையான வெற்றியும் அல்ல; இது நமக்கு உண்மையான தோல்வியும் அல்ல. இது தி.மு.க.விற்கு கிடைத்த செயற்கையான, உருவாக்கப்பட்ட வெற்றி தான். இதைக் கண்டு கழக உடன்பிறப்புகள் யாரும் வருத்தப்படாமல் தொடர்ந்து ஜனநாயக முறையில் மக்கள் பணியாற்ற வேண்டும் என்று கேட்டுக் கொள்கிறேன்.

எனது வேண்டுகோளினை ஏற்று அ.தி.மு.க. வேட்பாளர்களுக்கு வாக்களித்த வாக்காளப் பெருமக்களுக்கும்; கழக வேட்பாளர்களுக்காக அல்லும், பகலும் அயராது உழைத்த எனது அருமை கழக உடன்பிறப்புகளுக்கும்; தேர்தல் பிரசாரம் செய்த தோழமை கட்சி தலைவர்களுக்கும், தொண்டர்களுக்கும்; கழக வேட்பாளர்களுக்கு ஆதரவு நல்கிய அனைத்து அமைப்புகளுக்கும் எனது நன்றியைத் தெரிவித்துக் கொள்கிறேன் என்று தெரிவித்துள்ளார் ஜெயலலிதா.