சென்னையில் கடந்த ஆகஸ்ட் மாதம் தி.மு.க. வினரால் நடத்தப்பட்ட டெசோ மாநாட்டில் இலங்கைத்தமிழர்களின் மறுவாழ்வு, அரசியல் அதிகாரம் மற்றும் சமவுரிமை உள்ளிட்ட பல தீர்மானங்கள் நிறைவேற்றப்பட்டன. இதன்போது இத்தீர்மானங்கள் மீது இலங்கை அரசாங்கம் நடவடிக்கை எடுக்க வலியுறுத்தி ஐ.நா. சபைக்கு செல்வோம் என்று தி.மு.க. தலைவர் மு.கருணாநிதி அறிவித்திருந்தார். எனவே, தீர்மானங்களை கையளிக்க ஐ.நா. நிர்வாகத்திடம் தி.மு.க. திகதி கேட்டிருந்தது. இந் நிலையில் இரண்டரை மாத இடைவெளியின் பின்னர் இதற்கான அனுமதி கிடைத்தது. இதையடுத்து டெசோ தீர்மானங்களுடன் தி.மு.க. பொருளாளர் ஸ்டாலின் மற்றும் தி.மு.க. நாடாளுமன்றத் தலைவர் டி.ஆர். பாலு ஆகியோர் எதிர்வரும் 30ஆம் திகதி நியூயோர்க்கிலுள்ள ஐ.நா. சபைக்கு சென்று சபையின் தலைமையலுவலகத்திலும் ஜெனீவாவிலுள்ள ஐக்கிய நாடுகள் சபையின் அகதிகள் ஆணையகத்திலும் கையளிக்கவுள்ளனர் என அறிவித்துள்ளது. -->
0 கருத்துகள்:
கருத்துரையிடுக
‘பின்னூட்டமிட்டு செல்லுங்கள்’