இந் நியமனங்கள் எமது அரசாங்கத்தினால் வழங்கப்படுகின்றன. இவற்றில் எந்தவிதமான முறைகேடுகளுக்கும் இடமளிக்கக்கூடாது. 2004ம் வருடத்தில் வழங்கப்பட்ட பட்டதாரிகளுக்கான நியமனங்களை விடவும் இந்த வருடத்தில் நாடளாவிய ரீதியில் அதிகமான பட்டதாரிகளுக்கு நியமனங்கள் வழங்கப்படுகின்றன. அதிலும் குறிப்பாக விகிதாசார அடிப்படையின்றி யாழ் மாவட்டத்தில் அதிகளவிலான பட்டதாரிகளுக்கு இன்று நியமனங்கள் வழங்கப்படுகின்றன. அதையிட்டு நானும் பட்டதாரிகளாகிய நீங்களும் மிகவும் மகிழ்ச்சியடைகின்றோம். இந்த நியமனங்களை பெறுவதற்காக பட்டதாரிகளாகிய நீங்கள் எவருக்கேனும் இலஞ்சம் அல்லது கப்பம் அல்லது வேறெந்த வகையிலாவது ஏதாவது நிதியை கொடுத்திருப்பீர்களாயின் அது எனக்கும் எமது அரசாங்கத்திற்கும் செய்கின்ற இழுக்கு என்றே கருதப்படவேண்டும். எனவே எதையாவது மேற்குறிப்பிட்ட வகையில் நீங்கள் எவராவது கேட்கப்பட்டு செய்திருப்பீர்களேயானால் அல்லது செய்ய வேண்டிய நிலைமையில் இருப்பீர்களாயின் அது குறித்து என்னிடமோ அல்லது அருகிலுள்ள பொலிஸ் நிலையங்களிலோ முறைப்பாடு செய்ய வேண்டுமென வலியுறுத்தி நான் கேட்டுக் கொள்கின்றேன். இந்த அரசாங்கத்தினுடைய பிரதிநிதியாக நானே இருக்கின்றேன். இதை ஜனாதிபதி அவர்களும் ஏற்றுக் கொண்டுள்ளார் என அமைச்சர் அவர்கள் தெரிவித்தார். (அமைச்சர் அவர்களுடைய முழுமையான உரை நாளை வெளியிடப்படும்) இந் நிகழ்வு யாழ் மாவட்ட அரச அதிபர் சுந்தரம் அருமைநாயகம் தலைமையில் இடம்பெற்றது. இந் நிகழ்வில் ஈ.பி.டி.பி பாராளுமன்ற உறுப்பினரும் பாராளுமன்றக் குழுக்களின் பிரதித் தலைவருமான முருகேசு சந்திரகுமார் ஈ.பி.டி.பியின் யாழ் மாவட்ட பாராளுமன்ற உறுப்பினர் சிலவேஸ்திரி அலன்ரின் (உதயன்) மேலதிக அரச அதிபர் ரூபினி வரதலிங்கம் யாழ் மாநகரசபை முதல்வர் யோகேஸ்வரி பற்குணராஜா ஈழ மக்கள் ஜனநாயகக் கட்சியின் யாழ் மாவட்ட அமைப்பாளர் கந்தசாமி கமலேந்திரன் (கமல்) பிரதேச சபை தலைவர்களான சிவராசா (போல்) ஜெயகாந்தன் (காந்தன்) டானியல் றொக்ஷியன் (றஜீவ்) பிரதேச செயளர்கள் சிறிலங்கா சுதந்திரக் கட்சியின் அமைப்பாளர் தங்கராஜா ஆகியோர் கலந்து கொண்டிருந்தனர்.
0 கருத்துகள்:
கருத்துரையிடுக
‘பின்னூட்டமிட்டு செல்லுங்கள்’