ஐக்கிய தேசியக் கட்சி யாழ் மாவட்டத்தின் நாடாளுமன்றத் தோ்தலிற்கான நியமனப்பத்திரத்தை யாழ்ப்பாணம் தெரிவத்தாட்சி அலுவலகத்தில் இன்று தாக்கல் செய்துள்ளது. இப்பட்டியலில் முன்னாள் பாராளுமன்ற உறுப்பினர் தியாகராஜா மகேஸ்வரனின் துணைவியார் விஜயகலா மகேஸ்வரன் முதன்மை வேட்பாளராக நியமிக்கப்பட்டுள்ளார்.
ஐ.தே.கட்சியின் வேட்பாளர் பட்டியலில் தியாகராஜா துவாரகேஸ்வரன், நடராஜா சண்முகவேல், சாம்பசிவம் சத்தியேந்திரா, ராஜரட்ணம் ஸ்ரீதாமோதரராஜா, சண்முகசுந்தரம் லவக்குமார், சின்னத்துரை குலேந்திரராஜா, பெற்றாசிங்கம் அந்தனி ஜூட் ராஜசிங்கம், வல்லி மகேந்திரன், சந்திரலிங்கம் ஸ்ரீகஜன், முகமட் அப்துல் காதிர் முகமட் முபீன், மமுனா லெப்பை கஜீத் அமீர், ஆகியோரும் இடம்பெற்றுள்ளனர் என அறியவந்துள்ளது.
இதேவேளை யாழ்ப்பாணத்தில் மேலும் இரண்டு அரசியல் கட்சிகளும் ஒரு சுயேட்சைக் குழுவும் இன்று வேட்புமனுக்களை தாக்கல் செய்துள்ளன.
யாழ்ப்பாண மாவட்டத்திற்காக இதுவரையில் 7 அரசியல் கட்சிகளும் சுயேட்சைக் குழுக்களும் வேட்புமனுக்களை தாக்கல் செய்துள்ளன.
0 கருத்துகள்:
கருத்துரையிடுக
‘பின்னூட்டமிட்டு செல்லுங்கள்’