இன்றைய தினம் (18) யாழ் கோண்டாவில் இலங்கை போக்குவரத்து சபைச் சாலை யாழ் மற்றும் கிளிநொச்சி மாவட்டங்களுக்கான இ.போ.சபையின் சேவைகள் தொடர்பிலான முன்னேற்ற ஆய்வரங்கை ஆரம்பித்துவைத்து உரையாற்றும் போதே அமைச்சர் அவர்கள் மேற்கண்டவாறு தெரிவித்தார்.
இந்நிகழ்வில் கலந்து கொண்டு உரை நிகழ்த்திய போக்குவரத்து பிரதி அமைச்சர் ரோஹன திசாநாயக்க இலங்கை போக்குவரத்துச் சபையிடம் தற்போது 4800 பஸ் வண்டிகள் இருப்பதாகவும் இதனை 7000 மாக அதிகரித்துக் கொள்வதே தனது அமைச்சரின் நோக்கமாகும் எனக் குறிப்பிட்டார்.
வட பகுதி மக்களின் வாழ்க்கை நிலை குறித்தும் இப்பகுதி அபிவிருத்தி குறித்தும் பாராளுமன்றத்திலும் சரி வெளியிலும் சரி தொடர்ந்து குரல் கொடுத்து வருகின்ற அமைச்சர் டக்ளஸ் தேவானந்தா அவர்களது பங்களிப்புடனும் அசீர்வாதத்துடனும் வட பகுதியின் போக்குவரத்துச் சேவைக் கட்டமைப்பை தமது அமைச்சு நிச்சயமாக விருத்தி செய்யும் என நம்பிக்கைத் தெரிவித்த பிரதியமைச்சர் இதற்கென இப்பகுதி வாழ் மக்கள் அனைவரும் ஒன்றிணைந்து தங்களது பங்களிப்புக்களை வழங்க முன்வர வேண்டுமெனவும் கேட்டுக் கொண்டார்.
இன்றைய தினம் கிளிநொச்சி மாவட்டத்திலிருந்து தேர்ந்தெடுக்கப்பட்ட 10 சாரதிகளுக்கும் 15 காப்பாளர்களுக்குமான நியமனக் கடிதங்கள் அமைச்சர்களால் உரியவர்களிடம் கையளிக்கப்பட்டன.
0 கருத்துகள்:
கருத்துரையிடுக
‘பின்னூட்டமிட்டு செல்லுங்கள்’