வாசகர்கள் அனைவருக்கும்இனியபுத்தாண்டுவாழ்த்துக்கள்

;

திங்கள், 12 ஜூலை, 2010

எமது மக்களின் வாழ்வு ஒளிமயமானதாக அமைய நாம் அனைவரும் பாடுபடுவோம் - பரிசளிப்பு விழாவில் அமைப்பாளர் கமலேந்திரன்

சமூகங்களின் மேம்பாட்டிற்கு சனசமூக நிலையங்கள் பெரும் பங்காற்றுகின்றன. அதேபோல் விளையாட்டுப் போட்டிகள் நம்மிடத்தே சகிப்புத் தன்மையை விட்டுக் கொடுப்பை ஏற்படுத்தி பரஸ்பர உறவுக்கு வழிவகுக்கின்றன இச்சூழல் மேலும் செழிமையடைந்து எமது மக்களின் வாழ்வு ஒளிமயமானதாக அமைய நாம் அனைவரும் பாடுபடுவோம் என்று ஈழ மக்கள் ஜனநாயகக் கட்சியின் யாழ் மாவட்ட அமைப்பாளர் கந்தசாமி கமலேந்திரன் கமல் தெரிவித்தார். (படங்கள் இணைக்கப்பட்டுள்ளன

இன்றைய தினம் (11) உரும்பிராய் இந்துக் கல்லூரி மைதானத்தில் செல்லப்பா விளையாட்டுக் கழகம் அதன் 25 வருட பூர்த்தி ஞாபகார்த்தமாக நடாத்திய மாபெரும் உதைபந்தாட்ட இறுதிப் போட்டி மற்றும் பரிசளிப்பு நிகழ்வு கலந்து கொண்டு உரையாற்றும் போது மேற்கண்டவாறு தெரிவித்தார்.
அங்கு அவர் மேலும் உரையாற்றுகையில் உதைபந்தாட்ட உலக கோப்பைக்கான இறுதிப்போட்டி தென்னாபிரிக்காவில் நடைபெறும் இன்றைய நாளில் உரும்பிராயில் வெற்றிக்கிண்ணத்திற்கான இறுதிப் போட்டி நடைபெற்றிருப்பது மகிழ்ச்சிக்குரியதாகும். இந்நிகழ்ச்சியில் சிறப்பாக ஏற்பாடு செய்த செல்லப்பா விளையாட்டுக் கழகத்தினருக்கு எமது கட்சியின் சார்பில் பாராட்டுக்களைத் தெரிவித்துக் கொள்கின்றோம்.
விருதுகளை வழங்கி கௌரவிக்கும் இந்நிகழ்விற்கு பிரதம விருந்தினராக எமது தலைவர் கௌரவ அமைச்சர் டக்ளஸ் தேவானந்தா அவர்கள் அழைக்கப்பட்டிருந்த போதும் ஜனாதிபதி அவர்களுடனான முக்கிய சந்திப்பு இருப்பதன் காரணமாக அவரால் இந்நிகழ்வில் கலந்து கொள்ள முடியவில்லை. அவரின் வாழ்த்துச் செய்தியை உங்களுக்கு கூறுவதில் நான் மகிழ்ச்சியடைகின்றேன். எனவே விளையாட்டு வீரர்களும் பிரதேசத்தின் மக்களும் மலர்ந்திருக்கும் இயல்புச் சூழலில் நிம்மதியாக வாழவும் இழந்தவற்றை மீளப் பெறவும் ஈ.பி.டி.பி.யினராகிய நாம் என்றும் துணையாக இருப்போம் என்று கூறிய அவர் வெற்றி பெற்ற செல்லப்பா விளையாட்டுக்கழக அணியினருக்கு வெற்றிக் கிண்ணத்தையும் வழங்கினார்.
இந்நிகழ்வில் கௌரவ விருந்தினர்களாக யாழ் மாநகர முதல்வர் திருமதி யோகேஸ்வரி பற்குணராஜா ஈழ மக்கள் ஜனநாயகக் கட்சியின் ஊடகச் செயலாளர் தோழர் ஸ்டாலின் ஊரெலு படையதிகாரி லெப். வீரக்கோன் உரும்பிராய் இந்துக்கல்லூரி அ. ஈஸ்வரநாதன் உரும்பிராய் கிராம சேவையாளர் செல்லத்துரை விக்னேஸ்வரன் செல்லப்பா சனசமூக நிலையத் தலைவர் தம்பிராசா சிவலோகநாதன் ஆகியோர் உட்பட்ட பிரதிநிதிகள் உரையாற்றியதோடு வெற்றி பெற்ற வீரர்களுக்கு பரிசில்களையும் வழங்கி கௌரவித்தனர்.
முன்னதாக செல்லப்பா விளையாட்டுக் கழகத்திலிருந்து பிரமுகர்கள் மாணவ மாணவிகளின் பான்ட் வார்த்திய அணிவகுப்புடன் இந்துக் கல்லூரி மைதானம் வரை அழைத்து வரப்பட்டனர். இந்நிகழ்வில் பெருந்திரளான மக்கள் கலந்து கொண்டு சிறப்பித்தனர் என்பதும் குறிப்பிடத்தக்கதாகும்.





















0 கருத்துகள்:

கருத்துரையிடுக

‘பின்னூட்டமிட்டு செல்லுங்கள்’