படுகொலை செய்யப்பட்ட மாணவன் கபில்நாத்தின் இறுதிக்கிரியைகள்!

சமூக விரோத சக்திகளால் கடத்தப்பட்டு படுகொலை செய்யப்பட்ட சாவகச்சேரி இந்துக் கல்லூரி மாணவனான திருச்செல்வம் கபில்நாத்தின் இறுதிக் கிரியைகள் இன்றைய தினம் (28) மாலை சாவகச்சேரி இந்து மயானத்தில் நடைபெற்றது.

இந் நிகழ்வில் ஈழ மக்கள் ஜனநாயகக் கட்சியின் செயலாளர் நாயகமும் சமூக சேவைகள் மற்றும் சமூக நலத்துறை அமைச்சருமான டக்ளஸ் தேவானந்தா அவர்கள் கலந்து கொண்டு அமரர் கபில்நாத்தின் தந்தையிடம் தனது ஆழ்ந்த அனுதாபத்தைத் தெரிவித்துக் கொண்டதுடன் படுகொலையுடன் தொடர்புடைய குற்றவாளிகளை சட்டத்தின் முன் நிறுத்தி பாரபட்சமற்ற விசாரணைகள் மேற்கொள்ளப்படுவதற்கு தான் நடவடிக்கை எடுத்துள்ளதாகவும் தெரிவித்தமை குறிப்பிடத்தக்கதாகும்.