தமிழ்நாட்டில் இருந்து நாடு திரும்பும் அகதிகளின் எண்ணிக்கையில் வீழ்ச்சி

இலங்கையில் போர் முடிவுக்கு வந்த பின்னர், தமிழ்நாட்டில் இருந்து நாடு திரும்பும் அகதிகளின் எண்ணிக்கை வீழ்ச்சியடைந்து வருவது அகதிகளுக்கான ஐ.நா உயர் ஆணையத்தின் புள்ளிவிபரங்களில் இருந்து தெரியவந்துள்ளது. கடந்த ஆண்டில் 1260 அகதிகள் மட்டுமே தமிழ்நாட்டில் இருந்து அகதிகளுக்கான ஐ.நா உயர்ஆணையத்தின் உதவியுடன் இலங்கைக்கு திரும்பி வந்துள்ளனர். இதற்கு முன்னர், 2011ம் ஆண்டில் 1670 அகதிகளும், 2010ம் ஆண்டில் 2040 அகதிகளும் இலங்கைக்கு திரும்பி வந்துள்ளமை குறிப்பிடத்தக்கது. அதேவேளை, தமிழ்நாட்டில் உள்ள முகாம்களில் 60,000 இலங்கை தமிழ் அகதிகள் தங்கியுள்ளனர். இது இந்தியாவில் தங்கியுள்ள அகதிகளில் 36 சதவீதம் என்பது குறிப்பிடத்தக்கது. -->