மலையாள நடிகர் திலகன் இன்று அதிகாலை 3.35 மணியளவில் காலமானார்

ம லையாள நடிகர் திலகன் இன்று அதிகாலை 3.35 மணியளவில் காலமானார். அவருக்கு வயது 77. உடல் நலக் குறைவு காரணமாக திருவனந்தபுரத்தில் உள்ள மருத்துவமனையில் சிகிச்சை பெற்று வந்த திலகன் இன்று மரணமடைந்தார்.
தமிழ், மலையாளம் உள்ளிட்ட பல மொழிப் படங்களில் நடித்துள்ள திலகன், தமிழில், சத்ரியன், மேட்டுக்குடி உள்ளிட்ட படங்களில் நடித்தவர். ஒட்டு மொத்தமாக அவர் இதுவரை 300 படங்களுக்கும் மேல் நடித்துள்ளார். பத்மஸ்ரீ உள்ளிட்ட சினிமா கலைஞர்களுக்கு வழங்கப்படும் பல்வேறு விருதுகளையும் அவர் பெற்றுள்ளார். திருவனந்தபுரத்தில் உள்ள விஜேபி ஹாலில் பொதுமக்கள் அஞ்சலிக்காக திலகனின் உடல் வைக்கப்பட்டுள்ளது.இன்று மாலை 4 மணிக்கு தைக்காடு பகுதியில் அவரது இறுதிச் சடங்குகள் நடக்க உள்ளன. -->