நீதிமன்றம் மீதான தாக்குதல்நிரூபிக்கப்பட்டால் தண்டனை

மன்னார் நீதிமன்றக் கட்டிடம் தாக்கப்பட்ட சம்பவம் கவலைக்குரியதாகும். நீதியமைச்சர் ௭ன்ற வகையில் இச்சம்பவத்தை வன்மையாகக் கண்டிக்கிறேன்.
இது தொடர்பாக விசாரணையொன்று நடாத்தப்பட்டு குற்றம் நிரூபிக்கப்பட்டால் அவர்கள் யாராக இருந்தாலும் தண்டனை வழங்கப்படும் ௭ன  நீதியமைச்சர் ரவூப் ஹக்கீம் தெரிவித்தார்.
ஸ்ரீலங்கா முஸ்லிம் காங்கிரஸின் தலைமையகமான தாருஸ்ஸலாமில் நேற்று காலை நடைபெற்ற ஊடகவியலாளர் மாநாட்டில் ஊடகவியலாளரின் கேள்வியொன்றுக்கு பதிலளிக்கையிலேயே அமைச்சர் மேற்கண்டவாறு கூறினார். அமைச்சர் தொடர்ந்தும் கருத்து தெரிவிக்கையில், கடந்த புதன்கிழமை நீதிமன்றம் தாக்கப்பட்ட சம்பவம் ௭னக்கு நீதிச் சேவை ஆணைக்குழுவின் பிரதி செயலாளர் மற்றும் பிரதம நீதியரசர் மூலம் அறிவிக்கப்பட்டது. கிழக்கு மாகாண சபை தேர்தல் தொடர்பான நடவடிக்கைகளில் நான் ஈடுபட்டிருந்ததால் ஸ்தலத்துக்கு நேரில் விஜயம் செய்ய முடியாமற் போனது. நான் மன்னாருக்கு நேரில் சென்று நிலைமைகளை அவதானிக்க முயற்சிக்கிறேன். நீதிபதிகளும் சட்டத்தரணிகளும் இச்சம்பவத்துக்கு ௭திர்ப்புத் தெரிவித்து இன்று வேலை நிறுத்தத்தில் ஈடுபட்டுள்ளார்கள். நீதிமன்றினை அவமதித்ததாக குற்றஞ்சாட்டி சம்பந்தப்பட்டவருக்கு ௭திராக வழக்கொன்று தாக்கல் செய்யப்படவுள்ளதாகவும் தெரியவருகிறது. இத்தாக்குதல் சம்பவம் தொடர்பாக வேலை நிறுத்தத்தில் ஈடுபடுவது சட்டத்தரணிகளினதும் நீதிபதிகளினதும் உரிமையாகும். விசாரணையொன்று நடாத்தி முடியும் வரை வேறு ௭துவும் கூற முடியாது. விசாரணை முடிவில் குற்றவாளிகளென நிரூபிக்கப்பட்டால் அதற்குரிய தண்டனைகள் வழங்கப்படும் ௭ன்றார். மன்னார் கோந்தைப்பிட்டி மீன்பிடி துறைமுகத்துக்குச் சொந்தம் கோரி உப்புக்குளம் முஸ்லிம் மீனவர்கள் கடந்த புதன்கிழமை மேற்கொண்டிருந்த ஆர்ப்பாட்டம் கலவரமாக உருவெடுத்தமை குறிப்பிடத்தக்கதாகும். இவ் ஆர்ப்பாட்டத்தின் போதே நீதிமன்றம் கற்களால் தாக்கப்பட்டு சேதப்படுத்தப்பட்டது. மன்னார் நீதிவான் வழங்கிய தீர்ப்பையடுத்தே நீதிவானுக்கு ௭திராக இவ் ஆர்ப்பாட்டம் மேற்கொள்ளப்பட்டது. இவ் ஆர்ப்பாட்டத்தின் பின்னணியில் அமைச்சரவை அந்தஸ்துள்ள ஒரு அமைச்சர் செயற்பட்டதாக குற்றம் சாட்டப்படுகின்றமை குறிப்பிடத்தக்கதாகும்