எம்.வி. சன் ஸீ கப்பலில் ஆட்களை கடத்திய நபர் கைது

கனடாவுக்கு 492 தமிழ் குடியேற்றவாசிகளை கடத்திய குற்றச்சாட்டின் பேரில் ஒருவரை கனேடியப் பொலிஸார் கைதுசெய்துள்ளனர். இலங்கையில் இருந்து வந்த விமானத்தில் பயணித்த நடராஜா மகேந்திரன் என்ற நபர் பிரச்சினை ஏதும் இன்றி; ரொரோன்டோ பியர்ஸன் சர்வதேச விமான நிலையத்தில் கைதுசெய்யப்பட்டதாக பொலிஸார் தெரிவித்தனர்.
கடந்த 2010ஆம் ஆண்டு ஓகஸ்ட் மாதம் பிரிட்டிஷ் கொலம்பியாவை சென்றடைந்த எம்.வி. சன் ஸீ கப்பலின் வருகை தொடர்பில் குற்றஞ்சாட்டப்பட்ட 6 பேரில் நடராஜா மகேந்திரனும் அடங்குகின்றார். தாய்லாந்து, அவுஸ்திரேலியா, பிரான்ஸ், நோர்வே பொலிஸார் விசாரணைகளுக்கு ஒத்துழைப்பு வழங்கியுள்ளனர். இந்த 6 பேரில் 5 பேர் கைதுசெய்யப்பட்டுள்ளதுடன், 4 பேர் கனடாவில் தடுத்துவைக்கப்பட்டுள்ளதாகவும் கனேடிய பொலிஸார் கூறினர். இவர்களில் ஒருவர் பிரான்ஸில் இருந்து நாடு கடத்தப்படவுள்ளார். ஆறாவது நபரை கைதுசெய்வதற்கான பிடியாணை பிறப்பிக்கப்பட்டுள்ளது.