இச் சம்பவங்கள் தொடர்பாக பாராளுமன்ற உறுப்பினர் சந்திரகுமார் அவர்கள் தேர்தல் ஆணையாளர் மகிந்த தேசப்பிரியவுக்கும் கிளிநொச்சி உதவித் தேர்தல் ஆணையாளருக்கும் இன்று மதியம் முறைப்பாடு ஒன்றை எழுத்து மூலம் சமர்ப்பித்துள்ளதாகவும் தெரிவித்தார்.
அந்த முறைப்பாட்டில் கரைச்சிப் பிரதேச சபைப் பிரிவிலுள்ள கனகாம்பிகைக்குளம் வாக்குச் சாவடியில் கிராமசேவையாளர் ஒருவர் பகிரங்கமாக தமிழரசுக் கட்சியின் வீட்டுச் சின்னத்துக்கு வாக்களிக்குமாறு மக்களை அறிவுறுத்தியமையைச் சுட்டிக்காட்டியுள்ளதாகவும் பச்சிலைப்பள்ளிப் பிரதேச சபைப் பிரதேசத்திலுள்ள சோறன்பற்றுப் பகுதியில் தொலைபேசி மூலம் மக்களையும் ஆதரவாளர்களையும் மிரட்டிய சம்பவங்கள் இடம்பெற்றுள்ளதையும் தெரியப்படுத்தியிருந்தார்.
தங்கள் வீடுகளில் இருந்து வாக்களிக்க வாக்குச் சாவடிக்கு வந்த மக்களை வீதிகளில் வைத்து வெளிமாவட்டங்களில் இருந்து அதிகளவில் அழைத்து வரப்பட்ட இளைஞர்களைக் கொண்டு தமிழ்த் தேசியக் கூட்டமைப்பின் வீட்டுச் சின்னத்துக்கும் உதயசூரியன் சின்னத்துக்கும் வாக்களிக்குமாறு நிர்ப்பந்திக்கப்பட்டமையை தேர்தல் ஆணையாளருக்குத்தாம் அறிவித்துள்ளதாகவும் பாராளுமன்ற உறுப்பினர் சந்திரகுமார் அவர்கள் தெரிவித்துள்ளார்.
0 கருத்துகள்:
கருத்துரையிடுக
‘பின்னூட்டமிட்டு செல்லுங்கள்’