தமிழக சட்டத்தரணி கைதான செய்திக்கு இராணுவம் மறுப்பு

சென்னையைத் தளமாகக் கொண்ட சட்டத்தரணியொருவரையும் அவரின் உறவினரையும் இலங்கை இராணுவம் தடுத்து வைத்துள்ளதாக இந்திய ஊடகங்களில் வெளியான செய்திகளை இராணுவப் பேச்சாளர் மேஜர் ஜெனரல் உபய மெதவல நிராகரித்துள்ளார்.

சட்டத்தரணியான அங்கயற்கண்ணியும் அவரின் உறவினரான திருமலையும் இலங்கைத் திழ் அகதிகளின் நிலைமையை பார்வையிடுவதற்காக இலங்கைக்கு வந்ததாகவும் தற்போது அவர்கள் குறித்த விபரங்கள் தெரியவில்லை எனவும் செய்திகள் வெளியாகியுள்ளன.
இது இராணுவப் பேச்சாளர் என மேஜர் ஜெனரல் மெதவலவிடம் கேட்டபோது, "இவர்கள் குறித்த விபர்கள் எதுவும் எமக்குத் தெரியாது. இத்தகைய சம்பவம் குறித்து எமக்கு அறிவிக்கப்படவுமில்லை" என அவர் கூறினார்.