தமிழ் மக்களுக்கு மிகவும் ஏமாற்றம் அளிக்கும் ஒரு விடயமாக இது அமைந்து விட்டது. அவரின் முக்கியத்துவமிக்க உரையில் தமிழ் மக்கள் தொடர்பில் எதனையும் தெரிவிக்காவிட்டாலும் எதிர்காலத்தில் இதற்கான தீர்வை அவரே வழங்க வேண்டும். அது அவரது கடப்பாடு. அந்த நம்பிக்கையிலேயே நாம் உள்ளோம். கடந்த ஜனாதிபதித் தேர்தலில் வடக்கு கிழக்கைச் சேர்ந்த தமிழ் மக்கள் தனக்கு வாக்களிக்கவில்லை என்பதற்காக அவர்களின் பிரச்சினைகளுக்குத் தீர்வு காணக் கூடாதென்ற நிலைப்பாட்டுடன் ஜனாதிபதி செயற்படுகிறாரோ என்ற ஐயம் தமிழ் மக்கள் மத்தியில் தற்போது எழுந்தாலும் இந்த நாட்டின் தலைவர் என்ற வகையில் அந்த மக்களின் பிரச்சினைக்கு ஜனாதிபதி மகிந்த ராஜபக்சவே தீர்வு காண வேண்டும். இதுவே எமது கட்சியின் நிலைப்பாடாகும்.
எமது கட்சியைப் பொறுத்த வரையில் இன்றைய ஜனாதிபதியே தமிழ் மக்களின் பிரச்சினைக்கு தீர்வு காண்பார் என்ற நம்பிக்கையில் அவருக்கு வாக்களித்திருந்தோம் என்பதனையும் இங்கு தெரிவித்துக் கொள்ள விரும்புகிறோம். மேலும் தமிழ்க் கட்சிகள் அனைத்தும் இணைந்து இனப்பிரச்சினைக்கான தீர்வை ஜனாதிபதி காணவேண்டும் என்ற அழுத்தத்தை வழங்க வேண்டும். இதற்காக அனைத்துக் கட்சிகளும் ஒருமித்த நிலைப்பாட்டைக் கொண்டு செயற்பட்டால் அதனை ஜனாதிபதியால் தட்டிக் கழிக்க முடியாது எனவும் அவர் மேலும் தெரிவித்துள்ளார்
0 கருத்துகள்:
கருத்துரையிடுக
‘பின்னூட்டமிட்டு செல்லுங்கள்’