யாழ். மாநகர முதல்வர் திருமதி யோகேஸ்வரி பற்குணராஜா அவர்களின் தந்தையார் காலமானார்.

சாவகச்சேரி சரசாலை வடக்கினை பிறப்பிடமாகவும் யாழ். கொழும்புத்துறையினை வதிவிடமாகவும் கொண்ட அண்ணாமலை இசைத்தமிழ்மன்ற ஸ்தாபகர் கலாபூஷணம் உயர்திரு அருணாசலம் சோமசுந்தரம் இன்றையதினம் (20) காலை இறைபதம் அடைந்துவிட்டார்
.இந்தியாவின் அண்ணாமலை பல்கலைக்கழகத்தில் சங்கீதபூஷணம் எனும் உயரிய பட்டம்பெற்ற அன்னார் பண்ணிசைமணி இசையரசு எனும் கௌரவ பட்டங்களைப் பெற்றுக்கொண்டவர் என்பதுடன் யாழ். கனகரத்தினம் மத்திய மகாவித்தியாலய முன்னாள் இளைப்பாறிய ஆசிரியரும் ஆவார்.
உயர்திரு அருணாசலம் சோமசுந்தரம் ஐயாவின் இறுதி நிகழ்வுகள் நல்லூரிலுள்ள அவரது மகளாகிய யாழ். மாநகர முதல்வர் திருமதி யோகேஸ்வரி பற்குணராஜா அவர்களின் இல்லத்தில் எதிர்வரும் ஞாயிற்றுக்கிழமை (24.10.2010) இடம்பெறும் என்பது குறிப்பிடத்தக்கது.