தமிழ் மொழி மூலத்தில் அகில இலங்கை ரீதியில் முதலிடம்

ஐந்தாம் ஆண்டு புலமைப் பரிசில் பரீட்சையில், அம்பாறை திருக்கோவில் கல்வி வலயத்திலுள்ள தம்பிலுவில் கலைமகள் வித்தியாலய மாணவி மாலவன் சுபதா 193 புள்ளிகளைப் பெற்று இலங்கை ரீதியாக முதலிடம் பெற்றுள்ளார்.


தம்பிலுவில் அம்மன் கோவில்முன்வீதியைச் சேர்ந்த மாலவன், உமையாள் தம்பதிகளின் புதல்வியான சுபதா, தான் அகில இலங்கை ரீதியில் முதலாமிடம் பெறுவேன் என கனவிலும் நினைத்துப் பார்க்கவில்லை எனத் தெரிவித்துள்ளார்.
இது தொடர்பாக அவர் கூறுகையில், "'நான் முயற்சி செய்து படித்ததற்கு ஏற்ற புள்ளிகள் கிடைத்துள்ளன. இப்பரீட்சைக்காக நன்றாக கற்பதற்கு எனக்கு என் பெற்றோர் மற்றும் பாடசாலை அதிபர், ஆசிரியர்கள், நண்பர்கள், உறவினர்கள் ஆகியோர் ஊக்குவித்தனர். அவர்களுக்கு நான் நன்றி கூறுகிறேன்.

எனது வகுப்பு ஆசிரியர்கள் நான் பரீட்சையில் முதலாவதாக வருவேன் என்ற நம்பிக்கையுடன் இருந்தார்கள். அந்த எதிர்ப்பார்ப்பை நிறைவேற்றியத்தில் மகிழ்ச்சியடைகிறேன்" என்றார்.