ஐக்கிய மக்கள் சுதந்திரக் கூட்டமைப்பு அரசாங்கம் மேற்கொள்ளவுள்ள அரசியலமைப்பு திருத்தங்கள் தொடர்பில் தமிழ்த் தேசியக் கூட்டமைப்புடன் எதிர்காலத்தில் பேச்சுக்கள் நடத்தப்படும் என்றும் அதற்கான உறுதியான காலப்பகுதியை உடனடியாக கூற முடியாது என்றும் ஆளும் கூட்டமைப்பின் பொதுச் செயலாளரும் அமைச்சருமான சுசில் பிரேம்ஜயந்த தெரிவித்தார்.
நாட்டின் தற்போதைய அரசியலமைப்பில் பல்வேறு திருத்தங்களை மேற்கொள்வது தொடர்பில் எமது அரசாங்கம் ஆராய்ந்துவருகின்றமை மக்களுக்கு தெரிந்த விடயமாகும். தற்போதைய நிலைமையில் மேற்கொள்ளவுள்ள அரசியலமைப்பு திருத்தங்கள் தொடர்பில் எதிர்க்கட்சிகளுடன் பேச்சுக்களை ஐக்கிய மக்கள் சுதந்திர முன்னணி அரசாங்கம் நடத்தி வருகின்றது.
அந்த வகையில் இன்று ( நேற்று திங்கட்கிழமை) பிரதான எதிர்க்கட்சியான ஐக்கிய தேசிய கட்சியின் பிரதிநிதிகளுடன் அரச தரப்பு பேச்சுக்களை நடத்தவுள்ளது. இதன்போது பொதுவாக மேற்கொள்ளப்படவேண்டிய திருத்தங்கள் குறித்து ஆராயப்படவுள்ளது.
இதேவேளை அரசியலமைப்பு திருத்தங்கள் தொடர்பில் அரசாங்கம் எதிர்க்கட்சிகளுடன் பேசிவருகின்ற நிலையில் அதன் தொடர்ச்சியாக தமிழ்த் தேசிய கூட்டமைப்புடனும் பேச்சு நடத்த எதிர்பார்க்கின்றது.
தமிழ்த் தேசிய கூட்டமைப்புடனான பேச்சுக்கள் எப்போது நடைபெறும் என்ற காலப்பகுதி தொடர்பில் உடனடியாக எதனையும் கூற முடியாது. எனினும் அவர்களுடன் எதிர்காலத்தில் பேச்சுக்கள் நடைபெறும் என்பது உறுதியாகும்.
0 கருத்துகள்:
கருத்துரையிடுக
‘பின்னூட்டமிட்டு செல்லுங்கள்’