எதிர்வரும் நாடாளுமன்றத் தேர்தலில் போட்டியிடவுள்ள தமிழ் தேசிய கூட்டமைப்பின் வேட்பாளர் தேர்வு முடிவுகள் இன்று வெள்ளிக்கிழமை வெளியிடப்படும் என கூட்டமைப்பின் சிரேஷ்ட உறுப்பினர் ஒருவர் தெரிவித்துள்ளார்.
முன்னாள் நாடாளுமன்ற உறுப்பினர்களான சிவாஜிலிங்கம், ஸ்ரீகாந்தா ஆகியோர் உட்பட முக்கியமான சிலருக்கு இத்தேர்தலில் போட்டியிடும் சந்தர்ப்பம் வழங்கப்படமாட்டாது என்றும் அவர் மேலும் குறிப்பிட்டார்.
சிவாஜிலிங்கம், ஸ்ரீகாந்தா ஆகியோருக்கு எதிராக தமிழ் தேசியக் கூட்டமைப்பு சட்ட நடவடிக்கை எடுத்து வெளியேற்றுமா என வினவியபோது, அவர்கள் சார்ந்திருக்கும் ரெலோ கட்சியே இதுவரை நடவடிக்கை எடுக்கவில்லை. எனினும் கூட்டமைப்பு இதற்காக அவசரப்படவேண்டிய தேவை இல்லை என்றும் அவர் குறிப்பிட்டார்.
அதேவேளை, சிவாஜிலிங்கம், ஸ்ரீகாந்தா ஆகிய இருவரையும் ரெலோ கட்சியிலிருந்து ஏற்கனவே விலக்கியுள்ளதாக அக்கட்சியின் தலைவர் செல்வம் அடைக்கலநாதன் அறிக்கை விட்டிருந்தமை குறிப்பிடத்தக்கது.
0 கருத்துகள்:
கருத்துரையிடுக
‘பின்னூட்டமிட்டு செல்லுங்கள்’