படகுமூலம் அவுஸ்திரேலியா செல்ல முயன்ற 147 பேர் கைது

படகுமூலம் சட்டவிரோதமாக அவுஸ்திரேலியாவுக்குச் செல்ல முயன்ற 147 பேர் திங்கட்கிழமை இரவு கைது செய்யப்பட்டுள்ளனர். பேருவளைக்கு 22 கடல்மைல் தொலைவில் பயணம் செய்துகொண்டிருந்தபோது ஆழ்கடல் மீன்பிடி படகொன்றும் சிலாபத்திற்கு 20 கடல்மைல் தொலைவில் பயணம் செய்துகொண்டிருந்த படகொன்றும் கடற்படையினரால் சோதனையிடப்பட்டபோது இவர்கள் கைது செய்யப்பட்டுள்ளனர்.
'ஜெத்சமேனி' எனும் படகில் தமிழர்களும் 2 சிங்களவர்களும் இருந்தனர். 'புஞ்சி துவ' எனும் படகில் 59 தமிழர்களும் 22 சிங்களவர்களும் இருந்தனர் என கடற்படையினர் தெரிவித்துள்ளனர். யாழ்ப்பாணம், முல்லைத்தீவு, திருகோணமலை, வவுனியா, மட்டக்களப்பு, கிளிநொச்சி, சிலாபம், புத்தளம், கொழும்பு, நீர்கொழும்பு, குருநாகல், மன்னார் ஆகிணய பிரதேசங்களைச் சேர்ந்தவர்களே கைது செய்யப்பட்டவர்களாவர். இவர்கள் கொழும்பு முகத்துவராம் மீன்பிடி துறைமுகத்திற்கு கொண்டுவரப்பட்டு குற்றப்புலனாய்வுப் பிரிவினரிடம் ஒப்படைக்கப்பட்டுள்ளனர்.