யாழ்ப்பாணம், முல்லைத்தீவு மற்றும் கிளிநொச்சி ஆகிய பிரதேசங்களிலிருந்து கிளேமோர் கைக்குண்டுகள் மற்றும் பெருந்தொகையான ஆயுதங்களை பாதுகாப்புப் படையினர் மீட்டெடுத்துள்ளதாக தேசிய பாதுகாப்புக்கான ஊடக மத்திய நிலையம் தெரிவித்துள்ளது.
யாழ். வடமராட்சி பிரதேசத்தில் உள்ள மந்திகை பகுதியில் நடத்தப்பட்ட தேடுதலில் ஐந்து கிலோ எடையுள்ள கிளேமோர் குண்டு- 1 , கைக்குண்டு மற்றும் வெடிக்க வைக்கும் கருவிகளை படையினர் மீட்டெடுத்துள்ளனர்.அடுத்து, கிளிநொச்சி மாவட்ட விசுவமடு பிரதேசங்களில் நடத்தப்பட்ட பாரிய தேடுதலின்போது 60 மி.மீ.ரக 55 மோட்டார் குண்டுகள், 3 கைக்குண்டுகள் மற்றும் உபகரணங்களை படையினர் கண்டு பிடித்துள்ளனர்.
அத்துடன், முல்லைத்தீவு மாவட்டத்தில் உள்ள ஆண்டான்குளம், வெள்ளாமுள்ளிவாய்க்கால் பகுதிகளில் நடத்தப்பட்ட தேடுதலின்போது ரி-56 ரக துப்பாக்கிகள்- 02 , துப்பாக்கி பாகங்கள்- 06 , ரி-81 ரக துப்பாக்கி 9.9 மி.மீ பிஸ்டல் ரவைகள்- 600 மற்றும் 5.6 மி.மீ ரவைகள் 700 ஆகியவற்றை படையினர் மீட்டெடுத்துள்ளனர். என்றும் பாதுகாப்புக்கான ஊடக மத்திய நிலையம் மேலும் தெரிவித்துள்ளது.
0 கருத்துகள்:
கருத்துரையிடுக
‘பின்னூட்டமிட்டு செல்லுங்கள்’