மும்பையில் திங்கள்கிழமை இரவு நடைபெற்ற இந்த ஆட்டத்தில் டாஸ் வென்ற கொல்கத்தா முதலில் பேட் செய்து 20 ஓவர்களில் 3 விக்கெட் இழப்புக்கு 155 ரன்கள் எடுத்தது. அடுத்து ஆடிய மும்பை 18.3 ஓவர்களில் வெற்றி இலக்கை எட்டியது.
கொல்கத்தா அணியில் கிறிஸ் கெய்லும், கங்குலியும் தொடக்க ஆட்டக்காரர்களாக களம் இறங்கினர். நிதானமாக விளையாடி ரன் குவித்த இந்த ஜோடி 11-வது ஓவரில் பிரிந்தது. 34 பந்துகளில் 31 ரன் எடுத்திருந்த கங்குலி, ஜாகீர்கான் பந்தில் ஆட்டம் இழந்தார்.
அடுத்து கெயிலுடன் ஓவைஸ் ஷா ஜோடி சேர்ந்தார். அவர் தனது பங்குக்கு 31 ரன்கள் சேர்த்து கடைசி ஓவரில் ஆட்டம் இழந்தார்
கெய்ல் 60 பந்துகளில் 2 சிக்ஸர், 7 பெüண்டரிகளுடன் 75 ரன்கள் எடுத்தார்.
20 ஓவர்கள் முடிவில் கொல்கத்தா அணி 3 விக்கெட்டுகள் இழப்புக்கு 155 ரன்கள் எடுத்தது.
விக்கெட்டுகள் கைவசம் இருந்தும் அந்த அணி வீரர்கள் அதிரடி ஆட்டத்தில் ஈடுபடாததால் 155 ரன்கள் மட்டுமே எடுக்க முடிந்தது.
மும்பை அணியில் தவானும், கேப்டன் சச்சினும் களம் இறங்கினர். தவான் 23 ரன்களில் வெளியேறினார்.
சச்சின் அபாரமாக விளையாடி 48 பந்துகளில் 71 ரன் குவித்து கடைசி வரை ஆட்டம் இழக்காமல் இருந்தார். இதில் 10 பெüண்டரிகளும் அடங்கும்.
திவாரி 30 ரன்களும், ராஜகோபால் சதீஷ் 21 ரன்களும் (அவுட் இல்லை) எடுத்தனர்.
18.3 ஓவர்களில் மும்பை 156 ரன்கள் எடுத்து 7 விக்கெட் வித்தியாசத்தில் வென்றது.
இதுவரை 4 ஆட்டங்களில் விளையாடியுள்ள மும்பை இந்தியன்ஸ் மூன்றில் வெற்றி பெற்றுள்ளது. ஓர் ஆட்டத்தில் தோல்வியடைந்தது.
கொல்கத்தா அணி 5 ஆட்டங்களில் 2 வெற்றி, 3 தோல்விகளை அடைந்துள்ளது.
0 கருத்துகள்:
கருத்துரையிடுக
‘பின்னூட்டமிட்டு செல்லுங்கள்’